دلِ رنجور کی یا دیدۂ تر کی باتیں
ہیں فقط عشق کی راہوں سے مفر کی باتیں
گھر کی باتیں ہیں انھیں گھر میں ہی سلجھا لیجے
لے کے کیوں راہ پہ آجاتے ہیں گھر کی باتیں
اپنا ایمان سلامت ہے یہی کافی ہے
ورنہ ہر سمت زمانے ہیں ہیں ڈر کی باتیں
لوگ منزل پہ مجھے دیکھ کے خوش ہوتے ہیں
کوئی سنتا ہی نہیں مجھ سے سفر کی باتیں
ذکرِ میخانہ کو اے شیخ کہاں سے لائے
آپ کو زیبا نہیں دیتیں اُدھر کی باتیں
اے نئی نسل کہ میرا تری جرأت کو سلام
کوئی نیکی بھی نہ کی اور ثمر کی باتیں
آپ کہتے بھی نہیں پھر بھی نذیریؔ ہم سے
بول دیتی ہیں تھکن راہ گذر کی باتیں
کوئی تبصرے نہیں:
ایک تبصرہ شائع کریں