۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔
اپنی آنکھوں کی حسیں جھیل میں غرقاب کرو
اسی لائق ہے یہ دل اس کو تہِ آب کرو
تم جو انساں ہو تو انسان سے الفت رکھو
اپنے لہجے کو کسی طور نہ تیزاب کرو
خود کو اس درجہ سنوارو کہ نگاہیں نہ ٹکیں
خود کو کچھ ایسا بنا ڈالو کہ کمیاب کرو
حق تو انسان کا انسان پہ کچھ اتنا ہے
رکھ لو پیاس اپنی مگر غیر کو سیراب کرو
زندگی ریت کے صحرا کی طرح ہے اپنی
ابرِ الفت لئے آؤ اسےشاداب کرو
نفرت و بغض و تعصب میں زمانے گذرے
اب رقم پیار و محبت کا نیا باب کرو
میں چلاجاؤں گا محفل سے تمہاری اٹھ کر
روکنے کا نہ تماشہ مرے احباب کرو
میں کھٹکتا ہوں امیروں کو کہ خود دار ہوں میں
مجھ سے ہوتا نہیں ہر دن انھیں آداب کرو
سامنے ان کے دھڑک جاتا ہے گستاخ ہے یہ
کچھ تو قابو میں نذیری دلِ بے تاب کرو
مسیح الدین نذیری
کوئی تبصرے نہیں:
ایک تبصرہ شائع کریں