غم کوئی پچھلی رتوں کا رات یاد آتا رہا

۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔

غم کوئی پچھلی رتوں کا رات یاد آتا رہا

صبح تک  بادل کوئی آتا رہا جاتا رہا

روز میں جس سے نہ ملنے کی قسم کھاتا رہا

دل اسی کے پاس مجھ کو روز لے جاتا رہا

وہ  جسے میں اپنے دل کے راز بتلاتا رہا 

محفل اغیار میں وہ دوست بھی جاتا رہا 

شوق کے ایسے بھی منظر ہم نے دیکھے ہیں میاں

پھول اک گلدان میں بے وجہ مرجھاتا ریا

دوسرا رخ دیکھ کر آیا ہوں میں اس شخص کا

بھیڑ میں جو پارسا تا عمر کہلاتا رہا

مرگیا مفلس کا بچہ بے علاج و بے دوا

اور امیرِ شہر بس تصوہر کھینچواتا رہا

بھول کر سب کچھ چلے ہم سوئے مستقبل مگر

کیسا ماضی تھا کہ ہر ہر گام یاد آتا رہا

زندگی سنجیدگی خود ہی سکھادیگی اسے

کل جو محفل میں بہت ہنستا رہا گاتا رہا

ہاں نذیری آپ میرے حال پر مت جائیے

اس حسیں دنیا سے میرا بھی کبھی ناتا رہا 

                 مسیح الدین نذیری

                          9321372295