وہ بہانے بَنا کے بیٹھے ہیں

۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔

وہ بہانے بَنا کے بیٹھے ہیں

ہم امیدیں جگا کے بیٹھے ہیں

موت سے ہم کو کیا ڈراتے ہو

ہم سفینے جلاکے بیٹھے ہیں 

ایک چہرے میں آج اہل جہاں 

کتنے چہرے چھپا کے بیٹھے ہیں 

جن پہ تکیہ تھا وقت آتے ہی 

دیکھئے دور جاکے بیٹھے ہیں 

یار میرے حسین لہجے میں 

زہر کتنے چھپا کے بیٹھے ہیں 

جن کو اپنا غرور کہتے تھے

ان سے ہم چوٹ کھاکے بیٹھے ہیں 

اپنی اولاد سے ہیں نالاں اور 

باپ کا دل دکھا کے بیٹھے ہیں 

کیا کرے ایک دختر مزدور 

خواب آنکھوں میں آکے بیٹھے ہیں 

ہم نذیری کہاں جئے اب تک

صرف عمریں گنواکے بیٹھے ہیں 

        مسیح الدین نذیری