میرا وطن ہے یہ میرا وطن ہے

میرا وطن ہے یہ میرا وطن ہے
قربان وطن پر مرا تن ہے مرا من ہے

وحدت کے کہیں گیت تو مرلی کی کہیں تان
آکرکے کوئی دیکھ لے بھارت کی مرےشان
عزت کوئی کرتا ہے کوئی کرتا سمّان
اک ہاتھ میں گیتا ہے تو اک ہاتھ میں قرآن
ملا کی اذاں ہے کہیں میرا کا بھجن ہے

پوجا ہے کہیں اور عبادت ہے کہیں پر
گیتا کا کہیں پاٹھ تلاوت ہے کہیں پر
گردوارہ کہیں پر ہے تو بدھ مت ہے کہیں پر
کیا ایسی بھی دنیا میں روایت ہے کہیں پر
دیوالی کہیں ہے تو کہیں عید ملن ہے

اکتا کی اہنسا کی پڑھے کوئی کہانی
بھارت کو ملی پیار کی کچھ ایسی نشانی
ہے ایسا ملن جیسے کہ الفاظ و معانی
اس ملک کا دنیا میں نہیں ہے کوئی ثانی
حیران اسے دیکھ کے فارس ہے یمن ہے

ماتھے پہ ترے تاج کا جھومر ہے سہانا
اور شابھا بڑھادیتا ہے گاندھی کا ترانہ
ہے یاد وہ سردار بھگت سنگھ کا فسانا
اشفاق کا ٹیپو کا وہ گردن کو کٹانا
ہمت ہے تو کیا دار ہے کیا چیز رسن ہے

میرا کی یہ چشتی کی یہ نانک کی زمیں ہے
کہتے ہیں جسے جنت گیتی وہ یہیں ہے
اس دیش کے بارے میں یہ ایماں ہے یقیں ہے
اس سارے زمانے میں کوئی ایسا نہیں ہے
ہر پھول یہاں جیسے لئے ایک چمن ہے

اس دیش کو حاصل ہے محبت کا سہارا
ہے لال قلعہ دیش کی عظمت کا منارا
پنجاب نے ہے گیسوئے بھارت کو سنوارا
گجرات و ہماچل نے اسے اور نکھارا
اس دیش کی زینت میں یہ مدراس و دکن ہے

جاں دے کے کریں گے تری سرحد کی حفاظت
ہے کون جسے تجھ میں الجھنے کی ہے طاقت
یہ ملک نذیری ہے شہیدوں کی امانت
کیسے کوئی دکھلائے گا اس ملک کو ہمت
باندھے ہوئے ہر شخص یہاں سر پہ کفن ہے
میرا وطن ہے یہ میرا وطن ہے


        مسیح الدین نذیری

+91-9321372295