غزل
جب تیری یاد ستائے تو غزل ہوتی ہے
کوئی رُت مجھ کو رلائے تو غزل ہوتی ہے
لاکھ کوشش کرے سونیکی شبِ فرقت میں
اور پھر نیند نہ آئے تو غزل ہوتی ہے
میرے اطراف میں رنگینیاں بکھری ہوں مگر
مجھ کو جب کچھ بھی نہ بھائے تو غزل ہوتی ہے
میں اگر بزم تصور کو سجائے بیٹھوں
تو میری بزم میں آئے توغزل ہوتی ہے
سنگ مرمر سے بدن جھیل سی آنکھوں کی قسم
تو جو آنکھوں سے پلائے تو غزل ہوتی ہے
رکھ کے زانوں پہ میرا سر کرے کوشش کوئی
اور مجھے نیند نہ آئے تو غزل ہوتی ہے
نام تو اور بھی میں سوچوں نذیریؔ لیکن
یاد جب ایک ہی آئے تو غزل ہو تی ہے
کوئی تبصرے نہیں:
ایک تبصرہ شائع کریں