نعتِ رسول
صلی اللہ علیہ وسلم
محبوبِ کبریا شہِ ابرار کو سلام
دین خدا کے قافلہ سارلار کو سلام
جو تاجدار بن کے رہا بوریہ نشیں
اس دو جہاں کے والی و سردار کو سلام
محفل کی جان جس کا پسینہ بنا رہے
قربان ایسے جسم کو مہکار کو سلام
کفار کشمکش میں ہیں الزام دیں تو کیا؟
الصادق الامین کے کردار کو سلام
اک پل میں ہو مکاں سے سفر لامکان تک
رفتار کو سلام ہے رہوار کو سلام
یا رب امتی کی سرِ حشر دے صدا
امت کے ایسے مونس و غمخوار کو سلام
ہر ایک پھول ارضِ مدینہ بہشت کا
جھک کرکے کرہا ہے تیرے خوار کو سلام
ہم مثل کیسے ہوسکے صدیق کا کوئی
خود آرہا ہے عرش سے جس یار کو سلام
اٹھّی رہِ جدا میں تو اٹھّی ہی رہ گئی
فاروقِ باوقار کی تلوار کو سلام
یہ مرتبہ کہ صاحبِ نورین بن گئے
عثماں غنی کو صاحبِ ایثار کو سلام
آئیں تو سورماؤں کے دل کانپنے لگیں
شیرِ خدا کو حیدرِ کرار کو سلام
وہ جن کے خوں سے دین کا پوا ہرا ہوا
حضرت بلال و یاسر و عمار کو سلام
منظر ٹھہر گیا تھا نذیریؔ زہِ نصیب
شہرِ رسولِ پاک کے دیدار کو سلام
کوئی تبصرے نہیں:
ایک تبصرہ شائع کریں