مہک رہا ہے کچھ اس طرح سے بدن کوئی

۔۔۔۔۔۔۔۔۔۔۔۔۔غزل ۔۔۔۔۔۔۔۔۔۔

مہک رہا ہے کچھ اس طرح سے بدن کوئی
کہ چل رہا ہو میرے ساتھ اک چمن کوئی

محبتوں کی روایت ہے چھیڑتے چلئے
ہماری بزم میں نغمہ کوئی سخن کوئی

تمام رنگ کچھ  اس طرح اس میں آئے ہیں
وہ اپنی ذات میں لگتا ہے انجمن کوئی

کسی کے زانوں پہ سر رکھ یوں بھی ہوتا ہے
اتاردیتا ہے اک عمر کی تھکن کوئی

کچھ ایسے ساتھ بھی ہوتے ہیں اس زمانے میں
کہ پاس آ نہیں سکتی کبھی چبھن کوئی

میرے خدا ترے بندوں پہ وقت مشکل ہے
دکھا دے غیب سے امید کی کرن کوئی

بساط جنگ نذیری پلٹ بھی جاتی ہے
تو اپنے وار پہ کہہ دو نہ پو مگن کوئی

          مسیح الدین نذیری
               9321372295