نیند بھی مجھ سے روٹھ گئی ہے سنئے نا

..............غزل...............

نیند بھی مجھ سے روٹھ گئی ہے سنئے نا

دل میں مرے اک آگ لگی ہے سنئے نا

 کیسے قسطوں میں مر مر کر کاٹی ہے

آپ کے بن کس طرح  کٹی ہے سنئے نا

 آپ ہمارے دل کے اندر رہتے ہیں

آپ سے روشن دل نگری ہے سنئے نا

 سنئے ہم بتلاتے ہیں دل کا عالم 

ہجر میں ہم پر کیا گذری ہے سنئے نا

 سنتے ہیں دیوانے دنیا کے طعنے

اس دنیا کی ریت یہی ہے سنئے نا

 چہرہ دیکھیں صاف لکھا ہے چہرے پر

خاموشی بھی چینخ رہی ہے سنئے نا

 ہم سے نذیری ملیئے ہم بھی شاعر ہیں  

ایک غزل ہم نے بھی لکھی ہے سنئے  نا

        مسیح الدین نذیری      

                     9321372295