۔۔۔۔۔۔۔۔۔۔۔۔۔غزل ۔۔۔۔۔۔۔۔۔۔۔۔۔۔
زندگی چمک اٹھے رنگ خوشگوار آئے
سنتِ پیمبر سے زیست میں بہار آئے
عشق مصطفی میں وہ بات ہے جہاں والو
ایک بار ہوجائے عمر بھر خمار آئے
جب کوئی بھی الجھن ہو کوئی بے قراری ہو
ذکر مصطفی کیجیے قلب کو قرار آئے
ایسی آپ کی باتیں جیت لیں جو دل سب کا
آپ کی ادا ایسی دشمنوں کو پیار آئے
ان کی ذات اعلی کو کیا سمجھ سکے کوئی
پل میں عرش سے ہوکر فخر روزگار آئے
جان بھی جو دینا ہو مصطفی کی عظمت پر
ایک بار کیا مرنا موت بار بار آئے
اس لئے تری آنکھیں آج تک چمکتی ہیں
دیکھ کر نذیری تم آپ کا دیار آئے
مسیح الدین نذیری
9321372295
کوئی تبصرے نہیں:
ایک تبصرہ شائع کریں