جام و مینا سلسلہ ۔ 6
۔۔۔۔۔۔۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔۔۔۔
میرا دعوی ہے کہ سینے میں نہیں رہتا ہے
آپ رہتے ہیں جہاں دل بھی وہیں رہتا ہے
سامنے آئے تو پھر میں بھی پلٹ وار کروں
میرا دشمن بھی مگر زیرِ زمیں رہتا ہے
آپ جب سامنے ہوتے ہیں تو دل ہنستا ہے
آپ کے ہجر میں ہر لمحہ حزیں رہتا ہے
جو میرے سامنے میرا نہیں ہوتا ہے کبھی
وہ میرے ساتھ مرے دل میں مکیں رہتا ہے
اس جگہ دھوپ گلابی سی ہوئی رہتی ہے
جان جاتا ہوں کہاں چھپ کے حسیں رہتا ہے
کردیا کرتا ہوں اظہارِ محبت اس سے
بس اسی بات پہ وہ چیں بجبیں رہتا ہے ہی
ہے وہ مغرور نذیری تو بتاؤ اس کو
عمر بھر کون بھلا تخت نشیں رہتا ہے
مسیح الدین نذیری پورہ معروف مئو
naziriqasmi.blogspot.com
fb.me/qasmighazals
کوئی تبصرے نہیں:
ایک تبصرہ شائع کریں