تازہ ترین جام و مینا سلسلہ ۔ 7
۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔
زخمِ دل کو نہ بڑھائیں جائیں
آپ مرہم نہ لگائیں جائیں
دور ہی دور کا پیار اچھا ہے
دور سے ہاتھ ہلائیں ، جائیں
جاننے کیلئے حالات کے دکھ
گھر پڑوسی کے بھی آئیں جائیں
اپنی شادی کا بتاکر مجھ کو
یوں مرا جی نہ جلائیں جائیں
اسی انداز پہ پیار آتا ہے
دیکھ لے گا کوئی جائیں، جائیں
آپ کا صاف اگر دامن ہے
مجھ پہ الزام لگائیں ، جائیں
پیٹ میں رزق نہیں پہونچا حلال
عرش تک کیسے دعائیں جائیں
آپ کو کیا کہ بھریں گے کب زخم
کرچکے آپ جفائیں جائیں
بس نذیری ہے یہی اپنی دعا
شہر سے میرے وبائیں جائیں
مسیح الدین نذیری پورہ معروف مئو
کوئی تبصرے نہیں:
ایک تبصرہ شائع کریں