لبوں پہ التجا نہیں عجیب ہے

تازہ ترین جام و مینا سلسلہ ۔ 9
۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔

لبوں پہ التجا نہیں عجیب ہے
ابھی بھی تو جھکا نہیں عجیب ہے

بھٹک رہا ہے چارسو تلاش میں
تجھے خدا ملا نہیں عجیب ہے

فضا میں ہر طرف اسی کا شور ہے
اسے اگر سنا نہیں عجیب ہے

تمہاری آنکھ کھولنے کے واسطے
بہت یہ اک وبا نہیں عجیب ہے

زمیں پہ ہاو ہو ہے آج ہر طرف
خدا سے دل لگا نہیں عجیب ہے

بشر کی آنکھ سے خدا کے خوف میں
لہو  ابھی بہا نہیں عجیب ہے

زمیں پہ آج ہر طرف عذاب ہے
ستم کی انتہا نہیں عجیب ہے

نذیری آج بھی ہے وا خدا کا در
مگر کوئی گیا نہیں عجیب ہے

مسیح الدین نذیری پورہ معروف مئو