اللہ کی قسم جان سے پیارے ہیں صحابہ

#نذیریات19
۔۔۔۔ *مدحِ صحابہ رضی اللہ عنہم اجمعین* ۔۔۔۔

اللہ کی قسم جان سے پیارے ہیں صحابہ
ہم صاحبِ ایماں ہیں ہمارے ہیں صحابہ

حاصل ہے ضیا ان کو پیمبر کی ضیا سے
آقا ہیں اگر چاند ستارے ہیں صحابہ

ایماں ہے میرا ان میں کمی ہو نہیں  سکتی
سرکار دوعالم کے سنوارے ہیں صحابہ

وہ دل کبھی حقدار نہیں خلد بریں کا
جس دل میں نہیں دل سے کنارے ہیں صحابہ

لے آئے ہیں جو سرورٍ عالم اسی دیں کا
معیار حسیں سارے کے سارے ہیں صحابہ

وہ جنگ کا میدان ہو یا امن کی گلیاں
آقا پہ دل و جان سے وارے ہیں صحابہ

ممکن نہیں ان کا کوئی ہمسر ہو نذیری
اخلاص کے تقوی کے منارے ہیں صحابہ

مسیح الدین نذیری پورہ معروف مئو