تازہ ترین جام و مینا سلسلہ ۔ 16
۔۔۔۔۔۔۔۔۔۔۔۔۔۔۔غزل۔۔۔۔۔۔۔۔۔۔۔۔۔۔
نظر جھکا کے ترا مسکرانا برسوں تک
مرا مزاج رہا شاعرانہ برسوں تک
ہماری آنکھ تمہارا نشانہ برسوں تک
تمہارے دل میں ہمارا ٹھکانہ برسوں تک
بناکے لہجہ بہت خادمانہ برسوں تک
ہمارے ساتھ رہا ہے زمانہ برسوں تک
تمہارے بعد بہت یاد آتا رہتا ہے
تمہارے ساتھ مرا دوستانہ برسوں تک
یہ ایک بات بہت بھاری پڑگئی مجھ کو
بلا وجہ کا تعلق نبھانا برسوں تک
اگر نہیں تھی محبت تو اور پھر کیا تھا
بلاوجہ مرے گھر آنا جانا برسوں تک
یہ اور بات کہ اب ہم بھی اجنبی ٹھہرے
وگرنہ ہم تھے تمہارا نشانہ برسوں تک
تمہارے عشق میں پروا نہ کی زمانے کی
ہمیں بھی یاد رکھے گا زمانہ برسوں تک
بلا کا نور تھا چہرے پہ لب پہ حکمت تھی
ہماری شان رہی عالمانہ برسوں تک
تمہارے آنے سے پہلے کی داستان ہے یہ
ہمارا دل رہا آشوب خانہ برسوں تک
خلاف میرے نذیری جو آج رہتا ہے
چلا ہے وہ مرے شانہ بشانہ برسوں تک
مسیح الدین نذیری پورہ معروف مئو
9321372295
کوئی تبصرے نہیں:
ایک تبصرہ شائع کریں