کٹاکے سر کو نبھائیں گے ہم روایتِ عشق

 ۔۔۔۔۔۔۔۔۔۔۔۔۔۔۔۔۔۔۔ غزل ۔۔۔۔۔۔۔۔۔۔۔۔۔۔۔۔۔۔۔

کٹاکے سر کو نبھائیں گے ہم روایتِ عشق

ہم اہلِ دل ہیں سمجھتے ہیں غرض و غایتِ عشق

خدا کے فضل سے میدانِ کارزار میں بھی

کریں گے شوق سے ہم دیکھنا امامتِ عشق

اگر کہو تو میں اہلِ وفا کا ذکر کروں

اگر سنو تو سناؤں تمہیں حکایتِ عشق

میں خوش نصیب ہوں عشاق خاندان سے ہوں

ہے میرے پاس بفضلِ خدا وراثتِ عشق

یہ کائنات کی وسعت یہ اننظامِ دروں 

ہر ایک شے سے عیاں صاف ہے ضرورتِ عشق

کوئی اگر تجھے مفلس کہے تو ظرف اس کا

ادس مت ہو کہ ہے پاس تیرے دولتِ عشق

وہ جائیں جان سے پھر بھی پلٹ نہیں سکتے

عظیم لوگ ہیں اور جانتے ہیں عظمتِ عشق

نہ اشک و آہ نہ شکوے نہ کوئی چینخ و پکار

سمجھ لو عشق کے آداب اور حرمتِ عشق

میں جانے والا ہوں کرلے جسے بھی کرنا ہے

کوئی سوال ، کوئی اعتراض بابتِ عشق

 وہ سنگ دل ہے تو میں بھی کہاں ہوں کم ہمت

کرے گی موم اسے ایک دن حرارتِ عشق

سنا جو ہم نے نذیری تو سر کے بل آئے 

کہ آپ آج تلاوت کریں گے آیتِ عشق

مسیح الدین نذیری پورہ معروف مئو