28 دسمبر، 2018

حق کیلئے لڑنے کو ہے تیار اویسی

۔۔۔۔اسدالدین اویسی۔۔۔۔۔۔۔

حق کیلئے لڑنے کو ہے تیار اویسی
تجھ میں ہے بہت جراتِ اظہار اویسی

میدانِ سیاست میں بہت لوگ ہیں لیکن
بے داغ رہا ہے ترا کردار اویسی

حق گوئی ہے پہچان تری سارے جہاں میں
ایمان و شریعت ترا معیار اویسی

ممکن نہیں ٹک جائے کوئی بھی ترے آگے
بھاری ہے ہراک پر تری للکار اویسی

جب لے کے دلائل اتر آئے سرِ میداں
آگے ترے سب رہتے ہیں لاچار اویسی

لڑتا رہا تنہا مگر ہمت نہیں ہاری
اس بات سے کب کس کو ہے انکار اویسی

میداں میں کوئی تیرے برابر نہیں دیکھا
ہے تیرے مخالف کو بھی اقرار اویسی

صورت بھی تری پیاری ہے کردار بھی پیارا
سب اس لئے کرتے ہیں تجھے پیار اویسی

باتوں میں تری کاٹ زمانے سے جدا ہے
بے مثل تری نرمیِ گفتار اویسی

حق بات سے پیچھے کبھی ہٹتے نہیں دیکھا
بن جاتا ہے تو آہنی دیوار اویسی

ہر شخص نذیری یہی کہتا ہے جہاں میں
ملت کا ہے اک قافلہ سالار اویسی

      مسیح الدین نذیری پورہ معروف مئو.
                                       9321372295       
                http://naziriqasmi.blogspot.com

کوئی تبصرے نہیں: