اسی سے جان لو کیا کر و فر رسول کا ہے

....نعت رسول صلی اللہ علیہ وسلم .....

اسی سے جان لو کیا کرو فر رسول کا ہے

زمیں سے عرشِ علی تک سفر رسول کا ہے

اب اپنی خیر مناؤ اے مشرکینِ عرب

خدا نے فضل کیا ہے عمر رسول کا ہے

جو آج شمس و قمر اپنی آن بان پہ ہیں

قسم ہے رب کی یہ سارا اثر رسول کا ہے

محافظ ینِ پیمبر ہیں خوں کے پیاسے بھی

یہ انقلاب یہ دستِ ہنر رسول کا ہے

جہان بھر کی سبھی رونقیں نچھاور ہیں

کچھ اتنا نور بھرا وہ نگر رسول کا ہے

وہ در کہ جس کے غلاموں پہ شاہ قرباں ہوں

پتہ ہے اسب کو کہ بس ایک در رسول کا ہے

چراغِ بولہبی بجھ گیا زمانے سے

ہر ایک سمت اجالا مگر رسول کا ہے

اٹھا کے کون رکھے آج حجرِ اسود کو

سبھی کے واسطے دم معتبر رسول کا ہے

وہ جس پہ ناز کریں آسمان والے بھی

خدا کے نور سے پر ایسا گھر رسول کا ہے

خدا کے بعد اگر کوئی مرتبہ پوچھے

کہو جواب میں تم بے خطر رسول کا ہے

میں نعتِ شوق نذیری تمام عمر لکھوں

میں خود رسول کا میرا ہنر رسول کا ہے

مسیح الدین نذیری پورہ معروف مئو