زور جتنا بھی اے دریاتیری طغیانی میں ہے

.۔۔۔۔۔۔۔۔۔۔۔.۔۔۔۔۔۔غزل۔۔۔۔۔۔۔۔۔۔۔۔۔۔۔۔

زور جتنا بھی اے دریاتیری طغیانی میں ہے

سرپھرا میں ہوں مرا بھی نام لاثانی میں ہے

جس کو ہر ہر موڑ پر بخشی ہے میں نے زندگی

اب کھلا مجھ پر وہ میرے دشمنِ جانی میں ہے

ہر ضروری چیز مہنگی ہوگئی ہے آج کل

خون بس انسانیت کا آج ارزانی میں ہے

سچ نہ تم کہتے نہ یوں آتے کبھی زیرِ عتاب

جان لیتے کیا مزاجِ ظلِ سبحانی میں ہے

کس کو فکرِ آخرت ہے کس کو ملت کا خیال

جو جہاں پر ہے مسلسل اپنی من مانی میں ہے

وہ اذانیں اور تھیں جو چھیڑتی تھیں سازِ دل

اب کہاں جادو مسلماں کی مسلمانی میں ہے

دشمنوں کی فوج آ پہونچی فصیل شہر تک

بادشاہِ وقت کا لشکر دعا خوانی میں ہے

نام میرا یوں سرِ محفل پکارا آپ نے

میری قسمت پر زمانہ اب بھی حیرانی میں ہے

عیش کوشی میں شہنشاہوں نے کاٹی زندگی

نسل ان کی آج تک یارو پریشانی میں ہے

 رونے والوں کو ہنسی مرحم سسکتے زخم کو

اور کیا رکھا نذیری عالم فانی میں ہے 

                مسیح الدین نذیری

                        9321372295